Sujets liés :
Marc Dousse : Une lettre d'henri IV aux habitants de Lamontgie.
Lettre d'henri IV aux habitants de Lamontgie [Recto].
Lettre d'henri IV aux habitants de Lamontgie [Verso].

LETTRE PATENTE D'HENRI IV CONCERNANT LES FORTIFICATIONS DE LAMONTGIE

"Henry, par la grâce de Dieu, roi de France et de Navarre, a tous presents et advenir salut. Nos bien amez les manans et habitans du villaige de la Montgie en notre païs d'Auvergne deppendant de nous à cauze de nostre chasteau de Nonnette lieu entouré et joignant plusieurs grands chemins entre autres estant sur le grand chemin tendant dudict Nonnette à Lyon, au chemin tendant de Brioude à Sauxillanges et sur le chemin de Sainct-Flour à Billiom auxquels chemins passent ordinairement plusieurs gens de guerre. Nous ont faict remontrer que au commencement de ces troubles ? en cestuy nostre royaume et deouis le decez de feu notre très honoré sieur et frère le roy dernier déceddé ilz avoient esté tellement versez, tourmentez, pillez, ravagez et saccagez dans leurs biens meubles et immeubles par nos ennemis et par les gens de guerre mesme par plusieurs qui tenaient les champs sans adveu de sorte qu'ilz furent contraintz depuis le decedz de notre dict sr et frère et dez le moys de janvier mil cinq cens quatre vingt dix denceindre partie dud. villaige de murailies et de quelques tours servant de defences à iceluy villaige, non a aultre intention que pour garder eulx leurs femmes enfans et familles desdictes vexations et impietez dont usoient lesdits gens de guerre envers eulx et pour ce qu'ilz ont cloz et enceint partie dud. villaige de la Montgie sans avoir sur ce nos lettres de permission de faire ladicte closture et enceinte ne leur ayant pas tenu rigueur pour le dangier des chamins qu'au plus fort de ceste guerre qui estoit lors en cestuy nostre royaume ilz n'ont aussi pu avoir recours à nous jusques a présent qu'ilz nous supplient très humblement notre bon plaisir soit vallider et approuver ladite enceinte et closture avec lesdites deffences qu'ils ont faictes à leurs propres coûts et despens sans pour ce avoir faict aucune levée de deniers que ce qu'ilz avoient boursillé par entre eulx pour ladite confirmation que besoing seroid lad. closture ainsy faicte leur puisse demeurer en son entier pour le péril où ilz seroient si ilz n'avoient ces dictes deffences. Considéré que ès dicis chemins journellement pendant lesdits troubles ont passé et repassé gens de guerre et qu'il leur seroit impossible paier les deniers de nos tailles et conserver leurs biens, bestial et aultres choses, NOUS, à ces causes désirant bien et favorablement traicier ls dits exposans attendu la fidellité qu'ilz nous ont randûe ayant toujours paié lesd. deniers de noz tailles et aultres qu'ilz nous estoient tenuz paier et s'estant maintenus en notre obeissance avons vallidé et approuvé de notre grâce spéciale pleine puissance et aucthorité royale vallidons et approuvons lad. enceinte et closture et tours qu'ilz ont faicte autour de partie dud. villaige voullant que ce qui a esté par eulx faict pour ce regard demeure en son entier sans que ores ny pour l'advenir ilz en puissent estre recherchez ni inquiettez en quelque sorte et manière que ce soit pourru qu'ilz en tiennent le consentement du seigneur hault justicier. Ordonnons en mandement au gouverneur Sénéchal d'Auvergne ou leurs lieutenans que de noz rles vallidation approbation et permission de tout le contenu cy dessus ils facent souffrent et laissent lesd supplians jouir et user plainement paisiblement sans en ce leur faire mettre ou donner ny souflrir leur estre faict mis ou donné aucun trouble ou empêchemen au contraire ores ny pour l'advenir lequel si faict mis ou donné leur estoit ou avoir esté l'ostent et mettent ou facent mettre et oster incontinant sans dellay au premier estat et deub. Car tel est notre plaisir et affin que ce soit chose ferme et estable a tousjours nous avons faict mettre notre scel a cesdictes présentes sauf en aultres choses nostre droict et l'autrui en touttes."

"Donné à Lyon au moys de septembre l'an de grace mil cinq cent quatre vingt quinze et de notre règne le septième."

"HENRY" "Par le Roy : DE NEUFVILLE."